KIDAPAWAN CITY — Mikagiw ang preno sa usa ka bongo truck hinungdan nga mibangga sa tindahan nga namaligya og prutas ala 1:05 sa hapon, Lunes, Disyembre 11, 2023 didto sa probinsiya sa Cotabato.
Ang mga biktima mga molupyo sa Malungon Sarangani Province ug Tupi South Cotabato.
Sumala kang Makilala Chief of Police, Lieutenant Colonel Britz Sales nga sakay ang mga biktima sa bongo truck gikan sa lubong sa ilang paryente sa President Roxas Cotabato ug pauli na sa ilang mga pinuy-anan.
Apan pag-abot niini sa dulhugon nga bahin sa national highway sa Barangay Old, Bulatukan, Makilala, Cotabato, kalit lang nawad-an og break ang bongo truck.
Wala na makontrola sa drayber ang manobela ug mibangga sa tindahan nga namiligya og prutas kilid sa kalsada ug nabalintong.
Ang mga samaron ang gisapupo sa mga molupyo sa maong dapit ug gisakay sa mga pribadong sakyanan paingon sa mga balay tambalanan sa Kidapawan City, Makilala Cotabato ug Bansalan, Davao del Sur.
Sa kasamtangan ang drayber sa trak ang anaa sa kostudiya sa Makilala MPS ug padayon nga gi-imbestigahan sa maong hitabo.