GIANGKON ni Department of Education (DepEd)-Soccsksargen Officer-in-Charge Assistant Regional Director Kathrine Lotilla nga adunay kuwang nga 8,275 ka classrooms sa mga pampublikong tunghaan sa rehiyon.
Gisulti ni Lotilla nga aron matubag ang maong problema, nagpatuman ang DepEd og class shifting ilabi na niadtong anaa sa ubos nga ang-ang.
Gawas niini, sumala pa ni Lotilla, ang DepEd-Soccsksargen naggahin og alokasyon nga kapin sa P3 bilyones alang pagtukod og 1,187 ka lawak-saringan karong tuiga.
Dugang niini, gidugangan usab sa DepEd ang mga nakadawat sa ilang educational service contracting o pagpa-enrol sa mga sobra nga high school junior students sa mga pribadong tulunghaan.
Dugang sa opisyal nga ang DepEd aduna usab bukas nga high school nga adunay kapin sa 100 ka mga tinun-an sa pagkakaron.
Giklaro niini nga ang kakuwang sa mga classrooms nagdepende gihapon sa tinuig nga gidaghanon sa mga enrollees.
Tug-an ni Lotilla nga sobra sa usa ka milyon ka mga estudyante ang na-enrol sa rehiyon.