MI-SIDELINE sab og paninda'g shabu ang usa ka courier apan pakyas kini kay nasikop sa operatiba sa Calinan Police Station atol sa buy-busy operation alas 8 sa buntag niadtong Huwebes, Abril 8, 2021, didto sa Tugbok Proper, Davao City.
Si Calinan Police Station commander Major Jake Goles nag-ila sa dinakpan nga si Jimboy Balagon Lavistre, alyas Jimboy, nagpuyo sa Calinan ning siyudad.
Motimbang sa 0.0165 gramos ang shabu nga nakuha sa posisyon sa dinakpan nga mokantidad og P6,000 ingon man ang marked money.
Sumala ni Major Goles, street value level target ang suspek diin gituohang taud-taod na sab kining ginahimo sa dinakpan.
Sa kasamtangan, ang suspek gibalhog sa selda sa Calinan police samtang giandam na ang kaso nga ipasaka kaniya didto sa korte. (Jeepy P. Compio)