TRENDING karon sa social media nga saging suma pa ang usa sa mga pambatok sa coronavirus disease (Covid-19), apan ang usa ka doktor dili motuo niini labi na kung magpabilin ang naandan nga bad habits lifestyle.
Sa usa ka programa sa telebisyon, gibutyag ni online health advocate Dr. Richard Mata nga “useless” kining tanan labi na kung dili gyud biyaan ang naandan nga lifestyle, wala gayo’y mahitabo.
“Even if may lemon ka or banana, pero kung hindi mo rin binitawan yung bad habits, walang mangyayari,” tipik sa gibutyag ni Dr. Mata.
Dugang ni Dr. Mata, “Kunyare, alak, walang tulog, junk food, tapos nag-lemon or banana ka lang. Walang effect ‘yon. What we can do as of the moment is healthy lifestyle.”
Hinuon gipasabot sa doktor nga mas maayo ang saging gumikan tinubdan kini sa potassium apan dili tinuod nga mao kini ang pambatok sa Covid-19.
Bisan si Davao City Mayor Sara Duterte-Carpio nahimuot sa nahitabo nga gikuninitan ang baligyang saging nganha sa mga palengke.
“Kataw-anan, kaayo ngano man gyud intawon nga magtuo-tuo mo aning mga fake news. Ugma kung naay makahuna-huna og tuyo ug mantika, motuo pod intawon ang tanan,” tipik sa gisulti sa mayor sa pakighinabi sa Davao City Disaster Radio 87.5 FM, kagahapon.
Una niini, daw nag-panic ang mga tawo sa pagpamalit og saging sa palengke sa Agdao ug Bankerohan Davao City human mikatag sa social media nga saging ang makabatok sa Covid-19.