SUBLING gipahibalo sa Civil Service Commission (CSC) nga dili required ang educational attainment aron nga makakuha'g examination alang sa eligibility.
Sa Facebook page nga Civil Service Exam 2023, gipasayod sa ilang post ang application period nga puwede ug abli na karong mga taknaa nga gikan sa Disyembre 22, 2022 hangtud sa Enero 25, 2023.
Ang examination matigayon sa Marso 26, 2023 diin alang kini sa professional ug sub-professional exams.
Gani bisan high school graduate lamang ang usa ka Filipino citizen, makahimo na kini sa pag-exam alang unya sa pagpangandam sa mga trabaho diha sa buhatan sa gobyerno.
Ang mga rekisitos kun requirements mao ang fully-accomplished application form, passport-sized ID (four copies), valid ID (original and photocopy) ug ang examination fee nga P500.
Busa sama ni Cleo Mirafuentes, 21, nga taga Piapi Boulevard, Davao City, iya kuno kining gipangandaman ug naka-self-review lamang siya.
"Nag self-review lang ko, kay pait ang panahon, high school graduate lang ko, unta kapasar ko, hinuon layo pa man, para maka-work ko sa government," ingon ni Mirafuentes.