Davao City Business Bureau milugway sa operating hours

Hulagway kuha ni Ralph Lawrence Llemit
Hulagway kuha ni Ralph Lawrence Llemit



ARON matabangan ang mga magbubuhis ug mga tag-iya og negusyo nga malikayan ang mga surcharge gawas pa sa ilang aplikasyon sa business permit ug renewal fees, ang Davao City Business Bureau (CBB) molugway sa ilang mga oras sa pagproseso sa dili pa ang 2023 cut-off sa Enero 31.

Kini ang usa sa mga gikalipay sa mga Dabawenyo, apan hangyo sa CBB dili na maghulat sa katapusang adlawa, prosesuhon na sa hinanaling panahon aron di maipit sa oras sa deadline.

Si CBB Head Maribel Paguican niingon nga sa unang duha ka adlaw sa trabaho sa Enero, ang business bureau gisugat sa daghang mga business tax payers nga naglaum nga makaabot sa deadline sa paghatag og business permit.

"As of two days processing, we were able to generate 5,323 applications. If you compare that to last year’s performance, there is an increase of almost 1,000 in applications," ingon ni Paguican atol sa I-Speak media forum Huwebes, Enero 5, 2022.

Dugang pa nga aron mas sayon ang proseso sa permits application, nanawagan ang CBB sa mga magbubuhis nga iproseso ang ilang mga permit online pinaagi sa online application system sa CBB.

Niingon sab ang opisyal nga ang online processing ug payments dili lang maka-decongest sa mga processing centers sa bureau kon dili makapadali usab sa proseso sa mga aplikante.

Bisan pa, kadtong dili maka-access sa online platform sa bureau mahimong moadto sa labing duol nga one-stop shop sa CBB. Ang one-stop shop usa ka streamline nga serbisyo sa pagproseso nga nagtumong sa pagluwas sa oras ug salapi sa magbubuhis pinaagi sa pagpayano sa business permit application process ug pagtangtang sa wala kinahanglana nga mga lakang sa assessment process.

"We gave some relaxation to our requirements, like the barangay clearance— this is no longer a requirement because it is already incorporated in our one-time assessment and one-time payment. No need to go to other locations. We call this a one-stop shop," butyag ni Paguican.

Adunay mga one-stop shop sa business bureau sa Sangguniang Panlungsod building, Almendras Gym, NCCC Mall Buhangin, Calinan Gym ingon man sa District Treasury Offices sa Toril, Tugbok, Bunawan, Baguio, Marilog, ug Paquibato.

Si Paguican niingon nga ang oras sa pag-operate sa maong mga dapit gilugwayan gikan sa Lunes hangtud Sabado, alas 8 sa buntag hangtud alas 5 sa hapon.

Mag-operate usab ang bureau sa Enero 29 (Dominggo) gikan sa alas 8 sa buntag hangtud sa alas 5 sa hapon.

Sa Enero 31, ang cut-off nga adlaw alang sa pagproseso sa business permit alang sa tuig 2023, ang CBB molugway sa oras sa pag-operate niini alang sa mga one-stop shop niini sa SP building ug Almendras Gym gikan sa alas 8 sa buntag hangtud sa alas 10 sa gabii, samtang ang one-stop shop sa NCCC Mall Buhangin abli gikan sa alas 8 sa buntag hangtud sa alas 8 sa gabii.

Ang mga one-stop shop sa Calinan Gym ingon man ang anaa sa District Treasury Offices sa Toril, Tugbok, ug Bunawan abli gikan sa alas 8 sa buntag hangtud sa alas 7 sa gabii. (Jeepy P. Compio/Uban sa taho sa CIO)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph