GIDEKLARA na karon ang probinsiya sa Davao del Norte nga "insurgency free", sumala sa Philippine Army 10th Infantry Division (10ID).
Sa suwat pahayag, ang 10ID, uban sa nagkadaiyang mga ahensiya sa kagamhanan sa Davao Region opisyal nang nagdeklara nga "insurgency-free" status ang probinsiya niadtong Lunes, Hunyo 13, sa Davao Del Norte Gym, Mankilam, Tagum City.
Gihimo kining pormal pinaagi sa Resolution Number 08 series of 2022 nga giisyu ni Governor Edwin Jubahib, nga nagdeklara sa tibuok probinsiya ug ang iyang mga komponenteng mga siyudad ug munisipalidad isip "insurgency-free province".
Ang yunit sa sundalo nagsulti nga ang deklarasyon nahitabo human ang malampuson nga pagpuhag sa tanang guerilla fronts sa probinsiya tungod sa "effective counterinsurgency campaign."
Sigon ni 10ID commander Major General Nolasco Mempin nga ang kampanya batok sa komunistang insurhensiya sa Davao del Norte di "easy journey."
"Let us all commit to ensure na hindi na kailanman muling maagaw pa mula sa atin ng kahit na sinong komunista o terorista ang mapayapa at masaganang buhay na matagal nating ipinaglaban at pinagsikapang makamtan," hagit ni Mempin.
Mga lima ka NPA guerrilla units nga naglihok sa probinsiya niadtong 2016, ubos tanan sa Southern Mindanao Regional Committee (SMRC) sa NPA, tug-an sa 10ID.
Ang ihap mihugmak ngadto sa duha niadtong 2020, nga nagtapos sa pagkahugno sa SMRC's GF3 nga gihulagway isip usa sa mga pinakakaraang guerrilla fronts sa nasud sayo niining tuiga, sumala sa 10ID.
Mas milig-on pa gyud ang kampanya batok insurhensiya sa mga sundalo human mapatuman ang Development Support and Security Plan (DSSP) “Kapayapaan”, ug unya ang Executive Order No. 70 which institutionalized the National Task Force to End Local Communist Armed Conflict (NTF-Elcac).
Ang pagpuhag sa grupong komunistar gikoordinar uban sa 10ID, Police Regional Office-Davao (PRO-Davao), ug uban pang mga hingtungdan. Kini naglakip sa pagsakmit sa mga armas ug pagrekober sa ilang mga "mass bases" o "areas".