GIPAHINUMDOMAN karon sa Department of Social Welfare and Development (DSWD) Soccsksargen ang tanang sakop sa Pantawid Pamilyang Pilipino Program (4Ps) nga likayan ang pagprenda sa mga ATM cards.
Kini human nisaka ang gidaghanon sa mga natala nga insidente sama niini sa pipila ka miyembro.
Giawhag sa ahensya ang tanan nga i-report dayon sa ilang buhatan ang insidente nga sama niini aron mahatagan og tukmang aksyon sa labing daling panahon.
Nasayran nga higpit nga gidili ang pagpaprenda sa mga ATM cards sa mga sakop sa 4Ps tungod sa posibilidad nga matangtang kini sa programa kung mapamatud-an.
Ang nag-unang tumong sa programa mao ang pagtabang sa mga kabus nga pamilya nga matubag ang ilang mga panginahanglan sulod sa usa ka bulan pinaagi sa mga benepisyo sa nasampit nga programa.