DSWD nagpasidaan kontra 'fake news'

Hulagway iya sa DSWD
Hulagway iya sa DSWD

NAGPAHIBALO ang Department of Social Welfare and Development (DSWD) labot sa nagkatag nga "fake news" mahitungod sa Food Stamp Program sa maong buhatan.

Adlaw’ng Huwebes, Septyembre 7, 2023, gi-post sa DSWD-Davao Region pinaagi sa ilang Official Facebook page ang maong fake news.

Giingon sa nasampit nga "fake news" nga "Makatatanggap ng food stamp allowance na nagkahalagang Php 5,000 mula sa DSWD ang mga hindi miyembro ng 4Ps at UCT," apan kini dili tinuod.

Sumala sa DSWD nga ang Food Stamp Program niini wala naghatag og kuwarta, apan ang mga benepisyaryo niini nakadawat og tag Php 3,000 food credits sa ilang mga Electronic Benefit Transfer Card.

Base sa DSWD nga dili dayon motuo ugaling dunay madawat nga susama niini nga impormasyon, labi na kung mangayo na sila og kuwarta bugti sa giingong proseso.

Tambag sa buhatan nga kung dunay susama niini nga fake news, di magduha-duha nga motaho ngadto sa DSWD Digital Media Service pinaagi sa email nga dms@dswd.gov.ph o motaho sa pinakaduol nga buhatan sa DSWD. (Uban sa taho sa DSWD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph