Gibuwagan sa uyab kay 'junior' gamay

Gibuwagan sa uyab kay 'junior' gamay
File photo

WALAY mahimo ang usa ka 35-anyos nga lalaki kon di ang pagdawat sa kamatuoran dihang gibulagan sa iyang hinigugma kay kuno gamay siya og "junior".

Alas 11:30 sa buntag, Miyerkules, Nobyembre 15, 2023 midangop sa San Pedro Police Station ang usa ka alyas Ariel, nagpuyo sa Lower Madapo Hills, Barangay 5-A, Poblacion District, Bankerohan, Davao City aron ipatala ang nahitabo kaniya.

Saysay niini nga dili na man lang unta siya magpa-blotter sa nahitabo, apan nahiubos siya ug nasagmuyo pag-ayo kay ang iyang cellphone ug pitaka nga dunay P1,800 gidala pa sa iyang uyab nga nilayas.

Niya pa, nga dugay na kuno sila nga nag-uyab pinaagi sa Facebook ug niadtong Martes sa gabii, Nobyembre 14, nakita sila sa Rizal Park sa San Pedro Street.

Ang babaye nga si alyas Maricar, 24-anyos, lumad nga taga Padada, Davao del Sur, mibiyahe lang gyud sa Davao City aron makigkita ni Ariel sa unang higayon luyo sa maglima na ka bulan nilang panag-uyab.

Nahukman dayon sa duruha nga manulod sa lodging inn sa Claro M. Recto, diin nahitabo ang dinugsingay, apan suma sa lalaki, dali lang kining nahuman kay wala kuno natagbaw ang babaye.

Dugang saysay ni Ariel sa blotter, “Wala man gyud seguro siya na-satisfied sa amoang love-love sa inn, mao kay moangkon gyod ko gamay ning akoang bunal, basin kini ang hinungdan.”

Usa sab sa nalagutan ni Ariel ug misangko sa iyang pagpa-blotter dihang gipapunas lang siya human sa ilang bugno, ug sa iyang paggawas sa banyo, wala na si Maricar.

Gidala sab ang iyang cellphone ug pitaka, butang nga gikalagot ni Ariel.

Gi-blocked na sab siya sa Facebook ug dili na kini makontak sa cellphone.

Sa karon, si Ariel nag-request og kopya sa closed-circuit television camera (CCTV) sa inn aron gamiton ang hulagway sa pagpangita sa babaye sa usa ka barangay sa Padada.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph