GARBO sa taga Barangay Mapawa sa Maragusan, Davao de Oro human nga niadtong Martes, Agosto 30, 2022, mibukad na ang Rafflesia magnifica, ang giilang pinakadakong buwak sa kalibutan nga makita lamang sa nasampit nga barangay.
Ang Rafflesia magnifica usa sa pinakadakong Rafflesia species nga makita sa Pilipinas ug sa Southeast Asia nga gikonsiderang pinakadako nga bulak sa kalibutan.
Sumala sa Maragusan Tourism Development and Management Office nga ilang gilaumang mobukhad ang bulak sa tibuok semana samtang dunay laing usa na sab ang mobukhad sa mosunod nga semana.
Ang Mount Candalaga sa Maragusan usa sa mga sightings sa Rafflesia.
Ang mga species sa Rafflesia usa ka endemic o makita lang sa mga rainforest sa Mindanao. (Uban sa taho ni Cheche Diabordo,KAMM Media Network)