GOOD news kini alang sa mga nag-abang ug kadtong mga biktima sa kalamidad human nga giduso ni Davao City First District Congressman Paolo Duterte sa kongreso ang pagpasa sa balaod alang sa paghatag og rental subsidies sa mga kuwalipikadong informal settlers.
Tumong niini nga maabagan ug matabangan ang mga pamilya nga anaa nagpuyo sa hazardous areas apil ang mga nawad-an og balay o homeless nga mga biktima sa kalamidad.
Gipahingusgan ni Duterte nga maaprobahan ang maong balaod labi na nga nagkadaghan ang mga nasinating bagyo, mga nasunogan, ug kadtong mga napahawa sa ilang mga gipuy-an nga dunay nga legal nga tag-iya.
Ubos sa House Bill (HB) No. 455, apil sa mahatagan ang mga informal settlers families kun ISF nga wa gyud nakabaton og luna ug balay.
Ang HB 455 consolidated na sa House Committee on Housing and Urban Development.
Sa panahon nga maaprobahan kini, magpadayon ang financial aid hangtud nga ang ISF mapahiluna na sa permanent housing sa gobyerno. (JPC uban sa taho sa KAMM Media Network)