'Installment payment' program sa DLPC ipatuman

Hulagway ni Macky Lim
Hulagway ni Macky Lim



PORMAL nang gipahibawo sa Davao Light and Power Company (DLPC) aron nga hupayon ang kalibog karon nga nasinati sa ilang mga konsumante kon unsaon pagbayad ang balayrunon sa kuryente sukad pagsugod sa enhanced community quarantine niadtong Marso 15, 2020.

Sumala pa aron nga kahatagan og alibyo, ang DLPC magpatuman og tagi-tagi nga pagbayad alang sa electric bill nga napupos (due) sugod Marso 15.

Mga balayranan niini sa maong mga panahon angayon sa upat ka bahin ug pagabayaran sulod sab sa upat ka bulan gikan sa paghunong sa ECQ.

Ang balayrunon magsugod sa unang due date pagkahuman sa ECQ.

Apan mga balayrunon nga nahiuna pa sa Marso 15, dili lakip sa programa. Busa, giawhag ang mga customer nga bayran kini gilayon.

Ang Davao Light nakighiusa sa nasud sa paghatag og tabang sa mga naapektuhan sa krisis nga dala sa coronavirus disease (Covid-19).

Giklaro sab sa kompaniya nga way mahitabong mga pagputol sa serbisyo sa suplay sa kuryente sa mga panimalay samtang ipatuman pa ang ECQ.

Kon dunay mga pangutana, mamahimo nga mokontak lang sa 24/7 sa bisan asa niini nga mga numero: fb: DavaoLightOfficial (082) 229-DLPC (3572), t: davao_light (084) 655-DLPC (3572), Globe: 09178642793, ug Smart: 09209701357. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph