GITUOHANG maoy tigsuplay og gidiling druga sud sa prisohan ang nasikop nga si Jail Officer 3 Roy del Soccoro Aguinaldo, 37, kinsa nasikop sa Philippine Drug Enforcement Agency (PDEA) Davao uban ang asawa niini nga si Maria Myrlene Rejuso Aguinaldo, 29.
Si PDEA 11 director Sr. Supt. Antonio Rivera nagbutyag nga usa ka High Value Target (HVT) ang nahisgutan ug gituohang maoy tig-suplay og gidiling druga sud sa prisohan sa Bureau of Jail Management and Penology (BJMP) ComVal.
Naningkamot ang BJMP 11 nga ilang himoan og makuting imbestigasyon ang maong hitabo.
Ang suspek nasikop alas 7:10 sa gabii niadtong Miyerkules didto sa iyang panimalay sa Purok 2, Mabuhay, Binuangan, Maco, Compostela Valley Province.
Motimbang sa 5.7 gramos nga gituohang shabu ang nakumpiska sa posisyon sa mag-asawa nga dunay street value nga P45 mil.
Kasong pagsupak sa Republic Act 9165 kun Comprehensive Dangerous Drug Act of 2002
ang ipasaka nga kaso batok sa magtiayon. (Jeepy P. Compio)