b16f-kalsada.jpg
Hulagway gikan sa Facebook page sa City Government of Tagum
Jeepy P. Compio
LUYO sa giingong dugay nang kahasol sa mga motorista, gilayong giinspeksiyon ni Tagum CityMayor Rey Uy ang kalsada ilawom sa flyover gumikan dugay-dugay na sab kining wala mahuman.
Huwebes, Pebrero 15, 2023, mismong si Uy uban ang City Engineer's Office (CEO), City Architecture Office (CARCHO), ug City Environment and Natural Resources Office (Cenro) mihimo og inspeksiyon sa lugar aron maseguro nga magpadayon ang maong national project.
Nakita sa mayor nga dugay na kini naghatag og kahasol sa mga Tagumenyos ug mga biyahero sa siyudad, busa aron mahatagan kini og kasulbaran, mismo ang City Government na ang mangita og pamaagi pinaagi sa lokal nga panudlanan sa Tagum.
Ilawom sa pagdumala ni Mayor Uy, dakong pagtagad ang ginahatag sa City Government of Tagum kabahin sa mga imprastrakturang makatabang sa tanang Tagumenyos, ilabi na sa mga dalan.
Gipaneguro kini sa lokal nga panggamhanan sa Tagum nga mas mapanindot pa ang siyudad labi na kay ginadayo na kini og mga bisita gumikan sa Musikahan Festival.
Karong Pebrero 17, 2023, matigayon ang Tingog ng Pasasalamat Concert nga kabahin sa Musikahan Festival sa siyudad sa Tagum.