PUNO sa kasadya ug gugma ang kasingkasing sa tanang parokyano sa San Antonio de Padua Parish Agdao sa Davao City sa pagsaulog niini sa ika-60 katuig nga kamugnaan sa parokya, Hunyo 12, 2023
Ang pipila sa daghang mga nakahan-ay nga mga programa mao ang Zumba sa Parokya, Folk Dance Competition, dunay pakontis sa Bahay Kubo ug ang Arch Making Contest, ug ang mas gikahinaman mao ang 60th Fiesta Raffle Bonanza kung kinsa ang palaran nga makadaug sa usa ka brand new nga Fortuner ug mga konsulasyon nga mga premyo gikan sa P100,000 padung ngadto sa 55 ka mga makadaug og tag P6,000 nga mahitabo, Hunyo 12, 2023.
Una niini, Hunyo 3, 2023, gihukman ang best, most unique ug most artistic fiesta arch, alang sa Arch Making Contest gikan sa Zone 1 sa Barangay Lapulapu padung ngadto sa Zone 9 sa Barangay Leon Garcia.
Ang panel of judges gilangkuban nila ni Rev. Fr. Amado B. Arroyo, chairman of the board, Rev. Soren Abellanosa, newly ordained deacon, ug ni Ms. Abegail Bolonos diin ang mga mananaug niini dungan nga maanunsyo karong adlawa.
Ang ika-60 katuig nga pista puno sa kahingpitan sa gugma, pagtinabangay alang sa malambuon nga parokya.
Kining tanan maoy mipaluyo sa tema karong tuiga nga, "Handog Pasasalamat Para kay San Antonio de Padua."