GIKABALAK-AN na sab sa Dakbayan sa Davao ang padayon nga pagtaas sa kaso sa human immunodeficiency viruses (HIV).
Sumala ni Davao City Reproduction Health and Wellness Center (RHWC) head Dr. Jordana Ramiterre nga mingsaka sa 4,145 ang kaso sa HIV niadtong Marso 2023 kumpara niadtong minglabay nga tuig 2022 nga anaa sa 3,904 ang kaso sa maong impeksiyon.
Dugang pa niini nga sa maong kaso anaa sa 4,175 ang lalaki ug 240 ang babaye.
Sa maong datus, ming labaw ang kaso sa lalaki ngadto sa lalaki nga pakighilawas (male to male) nga anaa sa 2,565, ikaduha ang lalaki nga nakighilawas sa babaye ug lalaki (bisexual males) nga anaa sa 1,253, heterosexual transmission (babaye ngadto lalaki) nga anaa sa 550 ug mother to child (mama ngadto sa anak) nga anaa sa 14.
Dugang pa ni Ramiterre nga ang maong kaso sa HIV makaalarma tungod sa kada bulan na lamang kini gataas.
"It's always alarming no kay every month nagadaghan ang kaso gihapon," segun ni Rameterre.
Luyo sa pagtaas, ang buhatan padayong mihimo og mga pamaagi pinaagi sa ilang information drive sa kabarangayan. (Jeedie Mae Malana, DNSC Bachelor of Arts in Communication Intern)