Kuta sa terorista nailog sa militar

Hulagway iya ni Edgar E. Fuerzas
Hulagway iya ni Edgar E. Fuerzas

LIG-ON nga kampo sa mga teroristang Bangsamoro Islamic Freedom Fighters (BIFF) nailog sa militar alas 5:30 sa buntag, Huwebes, Marso 9, sa usa ka isla sa Liguasan Delta sa Maguindanao del Sur.

Gibutyag ni 601st Brigade Commander Colonel Oriel Pangcog nga nagpahigayon og operasyon ang Joint Task Force Central sa Liguasan Delta sa utlanan sa Sultan sa Barongis, Maguindanao del Sur ug SGA-Barmm sa Pikit, Cotabato.

Apan pasulod pa lang ang mga sundalo sa ilang target, gipabuthan na sila sa mga miyembro BIFF-Toraife Group hinungdan sa usa ka oras nga binakbakay una pa miatras ang mga kaaway human gigamitan na og kanyon sa militar.

Nailog sa militar ang lig-onng kampo sa terorista nga dunay mga payag-payag,a running trenches ug foxholes.

Walay naangol sa mga sundalo apan tulo ang giingong napatay sa BIFF-Toraife Group.

Mga terorista padayong gilutos sa mga awtoridad sa Liguasan Delta ug SPMS Box. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph