TINGKAGUL na sa prisuhan ang usa ka lalaki nga midunggab-patay sa iyang bayaw alas 5 sa hapon, Martes, Abril 16 sa General Santos City.
Biktima mao si Wilfredo Generoso Jr., nga nagpuyo sa Purok 13B, MC Village, Barangay Fatima, General Santos City.
Gibutyag ni General Santos City Police Director Nicomedes Olaivar nga nagkalalis ang biktima ug ang suspek sa rason nga wa na giyagyag.
Sa iyang kapunggot, si alyas Alvin mikuha og kutsilyo dayon dunggab kapila ka beses ngadto sa biktima.
Dali nga misibat ang suspek, apan paglabay sa pila ka oras nadakpan ra sab kini.
Samtang ang biktima nga gidala sa bay tambalanan namatay ra sab kay wa kasugakod nunot sa daghang dinunggaban.
Kasong atubangon sa suspek gihikay na sa kapulisan. (Edgardo E. Fuerzas)