LGBT gipatay

KIDAPAWAN CITY -- Gisubay karon sa kapulisan sa M'lang Municipal Police Station ang motibo sa pagpusil patay sa usa ka sakop sa Lesbian, Gay, Bisexual, Transgender (LGBT) community alas 6:15 sa gabii, Domingo, Agosto 1.

Giila ang biktima nga si Nerissa Tababa, fish vendor ug nagpuyo sa Sullaga Subdivision, Barangay Inas, M'lang, Cotabato.

Sumala kang M'lang Chief of Police Lieutenant Colonel Realan Mamon nga gipusil ang biktima didto mismo sa iyang puwesto sa isdaan, samtang nag-text daplin sa kalsada sa Purok 3, Barangay Sangat sa maong lungsod.

Sumala sa taho nga giduol matud pa siya nila alyas Noni ug alyas Campor ug gipusil sa makadaghang higayon.

Misibat sab dayon ang mga suspetsado paingon sa direksiyon sa Datu Paglas, Maguindanao Province.

Si Tababa namatay gilayon human makaangkon og daghang samad sa lawas.

Ang kapulisan padayon nga nag-imbestiga sa insidente aron madakpan ang mga suspek. (Edgar E. Fuerzas)