PABILIN ang Davao City sa ilang ala 1:00 hangtud 8:00 sa buntag nga liquor ban samtang magpahugot sa seguridad sa pag-inom sa mga establisemento ug kalihukansa mga indibiduwal sa Kadayawan Festival karong tuiga.
Gikanayon ni Public Safety and Security Command Center (PSSCC) Heade retired Police Lieutenant Colonel Angel Sumagaysay nga ilang sundon ang liquor ban policy nga naa sa siyudad, nga mao ang Executive Order (EO) No. 5 Series of 2022 o "An order providing for the lifting of the modified liquor ban in Davao City."
Gilauman nga ang mga tawo magdumog sa mga bars ug susamang mga lugar atol sa kasaulogan, apan matud ni Sumagaysay, ilang ipatuman ang istriktong pagmonitor sa mga establisemento nga naghanyag og mga ilimnong makahubog.
Dugang pa niini, gitug-an ni Sumagaysay nga dugang security measure ang gihimo subay sa Anti-Criminality Program sa Task Force Davao ug Davao City Police Office.
"Meron ginagawang random checkpoints sa lahat ng mga restobar, kung saan lagi natin check na wala ulit mangyari na untoward incident," matud ni Task Force Davao spokesperson Capt. Louie Dema-ala atol sa media forum.
Gipasalig sa PSSCC nga ang security cluster nakigkoordinar na uban sa mga pribadong tigpasiugda nga maglusad og individual events aron nga maseguro ang kaluwasan sa tanang lugar nga tapukan atol sa festival.
"Security cluster is always providing security for all events, even sa private as long as they coordinate and comply requirements of the city government," pasalig ni Sumagaysay.