Mag-asawa gi-buy bust, bana patay

NAMENTERYO ang bana samtang giposasan ang asawa atol sa drug buy-bust operation nga gikasa sa mga sakop sa Sta. Ana Police Station alas 8:20 sa gabii, Huwebes, Nobyembre 30, 2023 didto sa Purok 4, Isla Verde, Quezon Boulevard, Brgy. 23-C, Davao City.

Ang operation gipangunahan ni Police Lieutenant Col. Ronald Lao, here sa Sta. Ana PNP, kauban ang mga personahe sa Philippine Drug Enforcement Agency (PDEA-Davao) ug National Bureau of Investigation (NBI-Davao).

Subay sa report, nasayran nga target sa buy-bust ang mag-asawa nga dugay nang gipanid-an sa kapulisan gumkian giilang Top 1 sa drug watchlist sa Davao Region ang mga nahisgutan.

Atol sa transaksyon, mibunlot og pusil ang lalaki nga target hinungdan nga naniyutralisa kini sa mga pulis, nadala sa Southern Philippines Medical Center (SPMC) apan wa na kini natabang pa.

Naaktuhan sab ang asawa sa suspek nga dunay gikoptan nga trese ka pakite sa gituohang shabu dunay gibug-aton nga 55 gramos nga dunay street value nga P374,000.

Narekober sab ang usa ka .45 remington rand pistol, pito ka mga .45 caliber fired cartridge cases, duha ka .45 bullet slugs ug duha ka mga bala sa .45 nga pistola.