DAGHANG mga mag-uuma ang nabalaka, ilabi na ang mga nagtanom og humay nga nagsalig lang sa ulan.
Apan tambag ni Office of the Provincial Agriculturist (OPAg) Remedios Hernandez ngadto kanila nga di una magtanom sa posibilidad nga maapsan unya sa epekto sa El Niño.
Sa kasinatian sa OPAg, labi na kung naa sa reproductive stage, mahimo usab nga mapakyas kung nagsalig lang sa ulan.
Hinuon kadtong mga lugar nga adunay irigasyon, dili kaayo sila apektado kung walay ulan.
Isip alternatibo niadtong maapektuhan kung walay ulan, mahimo silang magtanom og mga produkto nga mabuhi sa ting-init; tanum nga mga gamot sama sa kamote, kamoteng kahoy ug uban pang mga utanon.
Nanghatag na ang OPAg og libreng planting materials ug kinahanglan lang nga mo-request sa ilang opisina.