Managsa sa beach gipaamping sa CDRRMO

File photo
File photo

NAGPAHIMANGNO ang City Disaster Risk Reduction Management Office (CDRRMO) sa tanang mangaligo sa dagat nga magbinantayon ilabi na atol ning panahon sa habagat, Lunes sa buntag, Septyembre 4, 2023.

Sa pinakalit nga paghinabi uban ni CDRMO Chief Alfredo Baluran sa City Hall Drive, siya nagkanayon ngadto sa SunStar Davao nga tanan kinahanglan nga mag-inampingon kung mangaligo sa dagat tungod sa padayon nga hanging habagat ug di maayong dagan sa panahon nga kasamtangang nasinati sa dakbayan.

Dugang pa ni Baluran nga ang ahensiya kanunay nga nagpahimangno sa tanang mga opisyale sa barangay ug sa Barangay Disaster Risk Reduction and Management Committee (BDRRMC) sa 26 ka mga barangay nga naa daplin sa kadagatan nga maigmaton sa ilang area of responsibility. Matud niya nga nga personahe nga nakatuka kanunay nga magmonitor sa pahimangno nga gihatag sa CDRRMO. Iya sab nga gihangyo ang tanang mga molupyo magbinantayon sab ilabi na kung di maayo ang dagan sa panahon.

Gidasig sa CDRRMO ang mga molupyo kinsa nanimuyo sa duol sa baybayon apil na ang mga mangadto sa dagat nga mag-amping kanunay ug magmonitor sa dagat kung asa sila.

"Katong mga beachgoers, katong mga mangaligo'g dagat pag makita nato nga dagko na ang mga balud dili na ta mopugos og kaligo kay delikado kay basin maadala sila sa mga dagko nga balud," pahimangno ni Baloran.

Tug-an ni Baluran nga kabahin sa ilang mga pahimangno ngadto sa beach resorts nga di tugtan ang mga mangaligo nga molangoy sa dagat kung dunay dagkong mga balud ug kinahanglan nga naa kanunay ang lifeguards.

Iyang giklaro nga ang pagbaton og lifeguard kabahin sa rekisito kung mokuha ang beach resorts og business permit.

Giingon nga ang insidenteng pagkalumos nga nahitabo sa beach resort sa Bago Aplaya nga mikutlo sa kinabuhi sa 13-anyos, niadtong Dominggo, Septyembre 3.

Sukad sa pagsuwat ning balita, mga awtoridad nangita pa sa laing biktima, 19-anyos nga lalaki kinsa uban sa 13-anyos nga lalaki atol sa insidente. Mga awtoridad padayon pang nagpahigayon og search and retrieval operations atubangan sa resort.

Sa Facebook post sa Davao City Responder, mabasa nga padayon pa silang nangita sa 19-anyos nga biktima nga giingong nalumos. Ilang gidasig ang mga molupyo daplin sa baybayon sa dakbayan nga itaho gilayon kung makakita sila og batang lalaki nga nagsul-ob og itom nga short pants.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph