NAGTINGKAGOL sa prisohan sa San Pedro Police Station ang unom ka mga lalaki kinsa nagpatari alas 10 sa buntag, Agosto 2, 2020 didto sa Purok 4, Garcia Heights, Barangay 19-B, Davao City.
Nakuha sa ilang posisyon ang ilang duha ka bihag, laing usa pa ka manok nga pula ug ang pusta nga P900.
Sa report sa gikan sa San Pedro Police Station nasayran nga nakadawat og impormasyon ang maong istasyon nga dunay mga nagpasabong hinungdan nga ila kining giukoy.
Pag-abot sa kapulisan sa dapit, naaktuhan gyod nga nagpasabong ang unom ka mga lalaki kinsa gipatago ang ilang mga pangalan.
Nasayran nga nakatakda nga ipang swab test ang unom gumikan sa ilang daw walay Covid-19 nga gihimo diha sa ilang tugkaran. (Jeepy P. Compio)