BANGSAMORO REGION — Kanhi nga mga medical core sa Moro Islamic Liberation Front (MILF) ug Moro National Liberation Front (MNLF) ang mosulod na isip Barangay Health Workers sa Bangsamoro Autonomous Region in Muslim Mindanao (BARMM).
Mokabat sa 1,049 ka kanhi medical core members sa MILF ang nipaubos sa accreditation sa Ministry of Health aron mahimong Barangay Health Workers (BHWs).
Ang 1st batch sa accreditation gihimo sa Camp Darapanan, Sultan Kudarat, Maguindanao del Norte.
Sumala sa Committee on Health chair sa Ministry of Health nga si Dr. Kadil "Jojo" Sinolinding Jr. sila mga non-combatants nga misalmot sa Bangsamoro sa pakigbisog ug nagsilbi nga medics sa MILF community sa dugay nga panahon busa angayan lang nga sila ilhon.
Ang programa usa ka inisyatiba sa opisina ni MP Sinolinding ug sa Bangsamoro Government.
Gipondohan kini sa MOH isip kabahin sa normalization process sa BARMM.
Kapin sa libo ka mga BHW gikan sa hanay sa MNLF ang gipaabot usab nga moagi sa proseso sa akreditasyon.
Target sa gobyerno sa BARMM nga ipailawom sa akreditasyon ang 2,600 ka medical cores sa MILF ug MNLF.
Makadawat sila og honorarium ug travel allowance gikan sa MOH.