Mga biktima sa linog sa SocSKSarGen, giayudahan

Mga biktima sa linog sa SocSKSarGen, giayudahan
Hulagway iya sa OPAMINE

Si Presidential Assistant for Eastern Mindanao Leo Tereso Magno mitabang kang Presidente Ferdinand Marcos Jr. sa iyang pagbisita sa mga lugar nga naapektuhan sa linog sa SocSKSarGen region.

Gipangunahan usab ni Presidente Marcos Jr. ang pag-apod-apod sa lainlaing mga tabang gikan sa iyang administrasyon sa mga biktima nga gipahigayon sa General Santos City, Nobyembre 23, 2022.

Kahinumdoman nga 6.8 magnitude ang mitay-og sa kadagatan sa Davao Occidental niadtong Nobiyembre 17, si Presidente Marcos Jr. ug Special Assistant to the President, Sec Antonio Lagdameo Jr. mimando dayon kang Sec. Magno nga makig-alayon sa nagkalain-laing emergency ug relief agencies sa nasudnong kagamhanan aron masiguro nga daling matubag ang mga panginahanglanon sa katawhan.

Si Magno nakig-alayon na sa nagkalain-laing LGU sa mga apektadong lugar sukad niadto ug kanunay nga nagpahibalo kang Presidente Marcos sa sitwasyon ug panginahanglan sa mga LGU.

Gidala usab sa Presidente si DSWD Sec. Rex Gatchalian, Defense Sec. Gilberto Teodoro, DILG Sec. Benhur Abalos, ug DPWH Sec. Manuel Bonoan. (OPAMINE)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph