NAKAULI na ang duha ka mga overseas Filipino workers (OFWs) nga apektado sa kagubot sa nasud sa Sudan niadtong Biyernes, Mayo 5, 2023.
Sa report sa Overseas Workers Welfare Administration (OWWA-Davao) taga Tagum City, Davao del Norte, ang duha ka mga OFWs nailhan nga sila si Jomel Mallari ug Hamprey Manipi.
Saysay sa OFW nga si Mallari, nga dili basta-basta ang giagian nila sa Sudan tungod kay dungog kaayo nila ang mga air strikes, pagpamomba, ang mga buto sa mga armas.
Nila pa nga ilang nakita ang mga patay nga lawas nga gibilin ra sa dalan, grabe ang kakulba nga ilang gibati tungod kay tulo ka kilometro lang ang gilay-on nila sa war zone.
Si Mallari nagtrabaho isip chef sa Sudan sulod sa walo na ka bulan. Sa datus sa OWWA, anaa sa 20 ka mga OFW nga taga Davao Region ang nagtrabaho sa Sudan.
Dugang sa datus, ang 18 niini na-rescue na ug naghulat na lang nga makauli sa nasud.