Mga sibilyan namakwit sa air-to-ground assault sa militar

(Hulagway iya sa 601st Brigade)
(Hulagway iya sa 601st Brigade)

NAMAKWIT ang mga sibilyan human milusad ang militar og "air-to-ground assault" batok sa mga terorista alas 3:00 sa hapon, Mayo 3, sa Datu Piang, probinsiya sa Maguindanao del Sur.

Gibutyag ni 601st Brigade Commander Brigadier General Oriel Pangcog nga nakadawat sila og taho sa gilubloban sa mga miyembro sa Dawlah Islamiyah Terrorist Group sa Bangsamoro Islamic Freedom Fighters (BIFF) nga nangandam sa subling pagpamomba.

Abtik nga milusad og "air-to-ground assault" ang Joint Task Force Central batok sa mga terorista sa Sitio Lintukan, Barangay Magaslong sa nahisgutang lungsod.

Nagkatibulaag ang mga sibilyan sa pagpanagan paingon sa luwas nga dapit sa kahadlok nga maipit sa kagubot.

Nailog sa militar ang satellite camp sa mga terorista nga miikyas pasulod sa Liguasan Delta.

Upat ka mga terorista ang napatay ug daghan ang samaron human mangaigo sa pagpamomba sa militar gamit ang kanyon ug mga air assets sa Philippine Air Force.

Pagsuwat ning balita, padayon ang paglutos sa Joint Task Force Central batok sa mga teroristang nanibat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph