KIDAPAWAN CITY -- Abli ang pamunoan sa 602nd Infantry (Liberator) Brigade Philippine Army sa mga rebeldeng grupo sa North Cotabato nga gusto nga mobalik sa sabakan sa balaod.
Kini ang gikomperma ni Colonel Donald Gumiran, 602nd Brigade Deputy Commander.
Nanawagan ang militar sa mga lider og mga miyembro sa mga rebeldeng grupo nga naglihok sa Central Mindanao nga mukanaog na gikan sa kabukiran og musurender.
Ang mga armas nga isurender sa mga rebelde bayaran sa gobyerno og makabenepisyo pa sila sa livelihood assistance pinaagi sa Enhanced Comprehensive Local Integration Program (E-Clip) sa administrasyon ni Presidente Rodrigo Duterte.
Dugang ni Gumiran nga sa gustong musurender nga mga rebelde muduol lamang sila sa mga barangay opisyal, local government units (LGUs), mga pulis ug militar.
Kung anaa na sa sabakan sa balaod ang mga rebelde tabangan sila sa gobyerno silang panginabuhian og manimuyo nga magmalinawon uban ang ilang mga mahal nga pamilya.
Daghang mga miyembro na sa New People’s Army (NPA) ug Bangsamoro Islamic Freedom Fighters (BIFF) sa North Cotabato og Maguindanao ang misurender sa militar. (Edgar Fuerzas)