Mitabis, namugno

NAGPA-BLOTTER sa Sta. Ana Police Station ang usa ka 29-anyos nga babaye human kini gidumog sa iyang ka boardmate sa Sto. Niño, Barangay Agdao Proper, Davao City, Lunes sa hapon, Mayo 27.

Sumala ni alyas Inday, 29-anyos, nga anaa siya sa sulod sa ilang boarding house dihang iyang nakita ang iyang ka boardmate na si alyas Kris.

Naobserbahan sa mireklamo nga sakit kaayo ang tinan-awan kaniya ni alyas Kris ug sa dihang iya kining gikompronta, kalit lamang kini nasuko ug gidumog siya.

Naglibog siya kung unsa ang iyang sala mao nga iya kining gipa-blotter sa otoridad ug gitambagan nga moreklamo sa barangay aron didto sila mahusay. (Richy F. Nalagon)