NINDOT ug mas han-ay na sa umaabot nga mga adlaw ang sitwasyon sa trapiko sa Davao City human nga dunay mga delegation sa Metro Manila Development Authority (MMDA) ang mianhi sa dakbayan sa Davao niadtong Lunes, Pebrero 20, 2023, alang sa pagsugod sa five-day assessment sa traffic situation.
Ang mga nahisgutan mohatag sab og technical assistance ngadto sa Davao City Traffic and Transport Management Office (CTTMO).
Ang matigayong assessment maoy mamahimong basehan sa formulation sa traffic management plan ug sa capacity-building training course sa mga CTTMO personnels.
Tumong sa maong training course nga mapalig-on ang traffic management system sa siyudad ug mapalambo ang matag adlaw nga traffic conditions sa Davao.
Ang team sa 15 personnel gikan sa tulo ka MMDA divisions nga mao ang (Traffic Planning and Design Division, Traffic Signal Operation and Maintenance Division ug ang Traffic Education Division).
Kini gipangunahan sa MMDA Traffic Engineering Center Director Engr. Neomie Recio nga mohimo og pagtuon sa traffic and transportation schemes sa siyudad aron nga masayran ang gaps niini sa design, technology, policy, ug uban pang mga aspeto sa traffic management.
Gikan sa Pebrero 20-25, ang MMDA team mokolekta og data pinaagi sa traffic count, road inventory survey, ocular inspection sa mga traffic signal facilities ug ngadto na sa focus group discussions alang sa formulation sa capacity-building training course nga ilang tuyo nga himuon ug isugyot ngadto sa lokal nga kagamhanan sa bulan sa Marso.
Matud pa ni Recio nga samtang nagpadayon ang pag-uswag sa Davao City, ang sistema sa trapiko niini mosamot ka komplikado ug magkinahanglan og epektibong plano sa pagdumala sa trapiko.
Siya midugang nga ang usa ka bug-os nga pagtuon sa kasamtangan nga sitwasyon sa trapiko sa Davao City importante sa pagtino kung ang kasamtangang traffic management system nga gipatuman sa CTTMO nagkinahanglan og kompleto nga overhaul o nagkinahanglan lang og recalibration sa polisiya, teknolohiya o disenyo.
Ang CTTMO nagbutyag nga ang ilang buhatan nirekomendar og 10 ka mga dapit nga adunay pinakadaghang kahuot sa trapiko nga ipaubos sa pagtuon nga gipangulohan sa MMDA: Matina Crossing, Catalunan Grande, C.P. Garcia, Sandawa intersection, Quirino-Pichon, Quirino-Ponciano, San Pedro-Quirino, McArthur Highway—Maa, Panacan ug Malagamot. (JPC uban sa taho sa CIO)