Naanod sa baha patay na nakit-an

Naanod sa baha patay na nakit-an
Hulagway gikan sa Davao City Police Office

PATAY na sa dihang nakaplagan ang usa ka lalaki nga empleyado sa poultry farm nga gikatahong naapil kaanod sa baha alas 7:20, Sabado sa gabii, Nobyembre 18, 2023 sa Purok Mangosteen, Barangay Wines, Baguio District, Davao City.

Giila sa spokesperson sa Davao City Police Office, Police Captain Hazel Tuazon, ang biktima nga si Pepito Ariquin, 34-anyos, taga Barangay Tawan-Tawan.

Si Ariquin nakaplagan alas 8:15 sa buntag, Dominggo, Nobyembre 19 sa sapa sa Purok 8, Barangay Gumalang.

Sumala ni Tuazon nga nahitabo ang insidente samtang pauli ang biktima kuyog ang laing duha niini ka mga kaubanan sakay sa usa ka motorsiklo nga gimaneho sa biktima, apan mipugos sila sa paglahos bisan kusog ang tubig nga miapaw sa creek.

Tungod niini, nawad-an og kontrol ang biktima sa motorsiklo ug naanod apil ang motorsiklo.

Nasayran nga nagpahigayon og search and rescue operation ang mga sakop sa Baguio Police Station 11 ug ang 911 USAR team apan wa nila makit-i ang biktima Sabado sa gabii.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph