Nagtipi sa 2 tigbantay'g itik gipangita

Nagtipi sa 2 tigbantay'g itik gipangita
Pinaambit ni Edris Kunting Adulwahab

BLANGKO pa ang mga awtoridad sa pagpatay sa duha ka nagbantay og mga itik alas 8:00 sa gabii, Hunyo 23, 2023, Dominggo, sa Pikit, probinsiya sa Cotabato.

Giila ang mga biktima nga sila Norsid Kunting ug Brayan Salik, mga molupyo sa Pikit, Cotabato Province.

Sumala kang Cotabato Police Provincial Office Director Colonel Gilberto Tuzon nga nagbantay og mga itik nga gipaitlog ang mga biktima tunga-tunga sa basakan sa Barangay Kulambog, Pikit.

Apan kalit lang nga nibutho ang duha ka mga suspek ug gipamusil sila gamit ang kalibrea .45 nga pistola.

Abtik sab nga niikyas ang mga namusil sa mga biktima nga nisakay og motorsiklo paingon sa hilit nga dapit sa Pikit.

Patay gilayon ang magparyente nga nakaangkon og grabang samad pinusilan sa nagkadaiyang parte sa lawas.

Kapulisan sa Pikit Municipal Police Station nihimo na og pamaagi aron nga mailhan ug madakpan ang mga suspek sa krimen. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph