PRISOHAN ang gitugpahan sa usa ka taxi driver nga nangatik nga siya naholdap.
Ang taxi driver nga si Mark (bansagon gitago), 30, nagmaneho sa usa ka kompaniya sa taxi sa Davao, mi-report sa kapulisan nga siya suma pa gi-holdap mga alas 4:30 sa buntag, Biyernes, Oktubre 7, 2022.
Saysay niya nga gipara siya sa duha ka suspek ug miingong magpahatud sa Magtuod sa Maa, siyudad sa Davao.
Apan samtang nagdagan misulti ang mga pasahero nga magpahatud sila sa laing lugar.
Dinhi na suma pa gitionan siya og kutsilyo sa duha ug gikuha ang iyang kita nga P3,700.
Posible nga gihangop sa iyang konsensiya, ang suspek kalit nga mikompisal nga siya nangatik ra ug tumo-tumo ra ang sumbong nga siya giholdap.
Suma pa napugos siya sa paghimo og mala-teleserye nga eksena tungod nahurot niya ang iyang kinitaan tungod sa sugal.
Tungod sa iyang nahimo, tingkagol sa prisohan ang taxi driver samtang naghuwat sa kasong atubangon niya didto sa korte.