NGOs gihap-an sa militar

 (10ID)
(10ID)

GIBUTYAG sa 10th Infantry Division (10ID) nga ang kadudahan nga non-government organizations (NGOs) kinsa naglusad og "community immersion" sa pipila ka bahin sa Davao Region naila nga mga personalidad gikan sa nakalabay nga communist terrorist groups (CTGs).

“We identified some of their members dating mga myembro ng former groups that are left-leaning organizations,” butyag ni 10ID Commander Maj. Gen. Jose Eriel Niembra atol sa AFP-PNP press conference, Abril 12, 2023.

“So, with their membership, we suspect that they will still do the same. Bisan naglahi sila og pangalan mao ra gihapon ilahang himoon,” pagtataw niini.

Gisulti niini nga kining maong mga NGOs nisulod sa mga komunidad sa indigenous peoples (IP) sa Pantukan sa Davao de Oro; Gov. Generoso, ug Lupon sa Davao Oriental; ug Talaingod sa Davao del Norte, nga walay saktong koordinasyon uban ang local government units (LGUs) ug uban pang mga hingtungdang ahensiya.

“Kaning uban nisulod lang diretso, that’s why it was raised in suspicion even sa part ng LGUs,” pagtin-aw niya.

Sulti ni Niembra nga hugot nilang gihup-an ang tulo ka mga NGOs nga naglusad og community immersions sa nailang mga lugar.

“Para ma-maintain nato ang kahapsay ug insurgency-free status sa Davao Region,” pasalig ni Niembra.

“Di na ta gusto nga mobalik na pud ning panahon na [gubot], simply because of the infiltration of these NGOs,” dugang pasalig sa opisyal.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph