NPA gilutos sa militar; 3 patay

Hulagway iya sa 7TH IB PA
Hulagway iya sa 7TH IB PA

PADAYON nga gilutos ang nahabiling mga miyembro sa New People's Army (NPA) nga na-engkuwentro sa militar alas 2:45 sa hapon, Dominggo, Marso 5, sa Senator Ninoy Aquino, Sultan Kudarat.

Atol sa engkuwentro, napatyan ang NPA og tulo ka mga sakop ubos sa pagdumala ni Eusevio Cranzo Tabunaway alyas Kumander Brix sa Regional Tax Implementing Group (RTIG).

Gibutyag ni Army's 7th Infantry Battalion Commanding Officer Lieutenant Colonel Frederick Chicote nga nakadawat sila og taho gikan sa mga molupyo nga NPA nangikil ngadto sa mga sibilyan sa Sitio Isuko, Barangay Banali, Senator Ninoy Aquino.

Abtik nga milusad og law enforcement operation ang Joint Task Force Central batok sa mga rebelde.

Apan pasulod pa lang ang mga sundalo sa ilang target, gipabuthan na sila sa grupo ni Kumander Brix hinungdan nga nahitabo ang pinusilay nga milungtad og tunga sa oras una

miatras ang mga rebelde pasaka sa bukiron nga parte sa SNA.

Sa ilang pag-atras, ilang gibilin ang ilang mga kauban nga napatay sa engkuwentro.

Narekober sa gitagoan sa mga NPA ang tulo ka M16 rifles, usa ka M653 rifle, 2 granada, mga bala ug magasin ug importante nga kagamitan sa kalihukang komunista.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph