SIKOP ang usa ka batan-on atol sa buy-bust operation sa Ecoland Police Station alas 5:20 sa gabii, Huwebes, didto sa Barangay 76-A, Bucana, Davao City.
Ang suspek giila sa kapulisan nga si Dave Talatayod Egoc, alyas Dava, 18 anyos, residente sa Ecoland ning siyudad.
Daling gihup-an sa Ecoland Station Drug Enforcement Unit (SDEU) ang suspek dihang positibo kini nga mobaligya og shabu sa nagtakuban nga pulis.
Pagdakop, wa na kaipsot ang suspek dihang dali kining giposasan sa awtoridad samtang nakuha sa iyang posisyon ang mga pakite sa gituohang shabu nga mokantidad og P20 mil, ug marked money.
Sumala sa kapulisan sa Ecoland nga ang suspek gikonsiderang top 3 priority target list sa station level ug nalambigit sa lungkab.
Gikasohan na kagahapon ang suspek didto sa korte. (Jeepy P. Compio)