P1M batok drug lord

DAVAO. Gobernador Edwin Jubahib. (SunStar file)
DAVAO. Gobernador Edwin Jubahib. (SunStar file)

ANDAM si Davao del Norte Governor Edwin Jubahib nga mohatag og ganti sa bisan kinsa nga makahatag og impormasyon sa nahimutangan sa mga drug lords nga naglihok sa probinsiya.

Giklaro ni Jubahib nga ang pagtagad sa paghitak sa ilegal nga druga nahimo nang kabahin sa iyang administrasyon, ug tinguha niyang tumanon ang pagpuhag niini una matapos ang iyang termino.

Kini human nga daghang mga barangay sa probinsiya gideklara nang "drug cleared" samtang duha pa ka munisipyo bag-ohay pa nga gideklarang "drug cleared".

"Ako gyung hangyo sa tanan nga katawhan, 'pag naa moy nahibaw-an diha nga nagagamit sa druga o nagnegusyo og druga nga mohatag mo'g report sa atong PNP (Philippine National Police), sa atong PDEA (Philippine Drug Enforcement Agency) o NBI (National Bureau of Investigation) o any government agency, o diretso mo nga moreport sa akong opisina," pag-awhag ni Jubahib.

"Walay makahibalo sa inyong pag-report. Mohatag pa ko’g reward sa inyoha. Kon big-time ang inyong report, P1 million," dugang pa niya.

Gipasidan-an sab sa gobernador ang katawhan kinsa padayon nga naggamit og ilegal nga druga nga mohunong na.

Iyang gitin-aw nga mahimong makakomitar og krimen ang kabataan samtang naa sa impluwensiya sa ilegal nga druga sama sa lugos sa mga menor de edad ug pagpatay sa mga hamtong.

Iyang gipasalig nga andam siyang motabang sa mga biktima sa ilegal nga druga, kinsa buot nga magbag-o sa ilang kinabuhi. Siya ang moabaga sa ilang rehabilitasyon kung boluntaryo silang motahan sa ilang kaugalingon.

Samtang aron palig-onon ang kampanya batok sa ilegal nga druga, ang Provincial Anti-Drug Abuse Council (Padac) 4th Quarter Regular Meeting gilusad sa DavNor Capitol Pavilion, Mankilam, Tagum City niadtong Nobyembre 28 pangunahan ni Provincial Social Welfare and Development Office Head Rosalinda Rapista, nga mao sab ang pangulo sa PadacSecretariat.

Gipangunahan sab ni Jubahib ang pagdaob sa mga nasakmit nga mga ilegal nga druga sa Wood Haven Crematorium, Barangay La Filipina sa Tagum City niadtong Nobyembre 26.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph