WALA milampos ang walo ka mga gituohang drug lords dihang plano nilang ipasulod sa Davao City ang mokantidad P3 milyones nga gituohang shabu, alas 5 sa hapon niadtong Sabado, Enero 11, 2020.
Ang kapulisan sa Davao City Police Office (DCPO) mipugong una sa pangalan sa mga dinakpan sanglit nagpadayon ang ilang gihimong interogasyon.
Motimbang sa 178.61 gramos ang maong shabu nga nasakmit sa checkpoint sa Task Force Davao sa Barangay Lacson, Calinan.
Sakay sa usa ka Toyota Innova ang walo ka dinakpan nga gikan sa Lanao del Sur pasulod na unta sa siyudad.
Dihang migula nga dunay nakita ang mga personahe sa Task Force Davao nga druga, gilayong gitudlo sa unom nga usa ka alyas Abdulkaer nga usa sa mga sakay nga mao suma pa ang tag-iya sa mga druga, nga iya usab nga giangkon.
Ang mga dinakpan temporaryo nga gikustodiya sa Calinan Police Station.