PAGSUL-OB og karsones, sinina nga tag-as ang manggas ug naandang mogamit og mosquito repellant aron makigbatok sa dengue
Kini ang tambag ni Department of Health (DOH)-Soccsksargen Spokesperson Arjohn Gangoso ngadto sa mga lungsuranon sa Soccsksargen.
Giawhag usab ni Gangoso ang publiko nga suportahan ang fogging operations nga himuon kung motaas ang kaso sa dengue sa ilang komunidad.
Gidugang sa opisyal nga gipalig-on ang kampanya batok dengue sa DOH uban ang mga healthcare workers ug rural health units.
Sigun ni Gangoso, ilang gipasiugdahan ang pagpanglimpiyo sa mga karaang ligid, paghipos sa tubig, mga botelya ug uban pang mga dapit o basura nga makatago sa mga lamok nga nagdala og dengue.
Gitumbok niini nga ang limpyo nga palibot dako og mahimo sa pagpuo sa mga lamok nga nagdala sa kagaw sa dengue.