Pagtaas sa presyo isda sa merkado di angay ikabalaka

 (Hulagway iya sa PNA)
(Hulagway iya sa PNA)

PAGTAAS sa presyo sa mga isda sa Bankerohan Public Market way angayan ikabalaka ang publiko, sumala pa sa mga vendors sa merkado.

Ang presyo sa tilapia naa karon sa P120 hangtud P140 matag kilogramo (kg) gikan sa P110 hangtud P120/kg sa miaging semana. Samtang ang tilapia alcantara misaka ngadto sa P220 matag kilogramo gikan sa P190/kg sa miaging semana.

Kini bisan pa sa gitaho nga kamatay sa isda sa Lake Sebu, South Cotabato, kon diin kasagaran sa mga manindahay og tilapia nagkuha sa ilang suplay sa maong dapit.

Ang naninda og isda nga si Inday Zafra nagsulti nga ang mga presyo sa tilapia gikan sa Lake Sebu wa matandog sugod sa bulan sa Enero, apan gilauman nilang mosaka kini kay gisultihan sila nga mga suplay magnihit.

Gisulti sab niini nga gawas sa tilapia, pipila ka matang sa isda nga gikan sa dagat sama sa matambaka (P280 gikan P200), tulingan (P180 gikan P120), ug pirit (P120 ngadto sa P230) nitaas sab gikan sa mga presyo niadtong kapaskohan.

Ubang matang sa isda sama sa bangus nag-stabilized ang mga presyo gikan sa miaging semana sa P170 hangtud P180 ug barilison sa P200/kg.

"Expected na man na sa January magmahal ang mga isda labi na basta gikan sa lawud," pagtin-aw ni Zafra.

Laing tindera nga si Mercy Maguinsay nagpaambit sa samang sentimento.

"Nagataas jud ang presyo sa mga isda, pero gamay pa man [ang pagtaas] na sa karon. Dili dapat kabalak-an," paghupay niya. (ICE)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph