DAW napalong ang kalibutan sa usa ka 19 anyos nga customer service representative nga babaye dihang gihagad siya og "jerjer" sa drayber sa sidecar nga iyang nasakyan sa nakalabay nga adlaw didto sa Barangay Catalunan Grande, Davao City.
Usa ka Maricel ang nagpatala sa Talomo Police Station dihang gihagit siya og jerjer sa usa ka alyas Roger nga 45 anyos nga taga Sitio Escuela, Barangay Catalunan Grande.
Saysay ni Maricel nga dihang anaa na siya sa sidecar ni Roger, kalit miingon si Roger nga: "Ka-testing naka og sex?... Ani kadako akoa, ma-satisfy gyod ka, sige na."
Sa kalisang sa babaye, mikaratil kini'g dagan dihang mihunong na sa tugkaran sa ilang balay.
Dali sab mi-report si Maricel ngadto sa barangay, hinungdan nga nadakpan si Roger sa mga barangay tanod ug gidala sa Talomo police.
Pursigido nga mopasaka og reklamo ang nasampit nga customer service representative batok sa suspek. (Jeepy P. Compio)