PARANG, Maguindanao Province -- Nabuy-od og wala nay kinabuhi nga nakaplagan ang usa ka “graduating” nga babayeng estudyante human gitabangan og lugos sa iya ra sab nga mga paryente.
Nakaplagan ang patay nga lawas sa biktima nga giingon graduating na sa kolehiyo ug molupyo sa Barangay Poblacion 1, Parang alas 2:30 sa hapon niadtong Lunes.
Gikanayon ni Parang chief of police, Lieutenant Colonel Ibrahim Jambiran, nga nakaplagan ang patay nga lawas sa biktima sa kasagbutan nga bahin, duol lamang sa ilang balay nga naligo na sa iyang kaugalingong dugo ug nakaangkon nga og samad dinunggaban.
Apan nasubay sa pamilya sa biktima ug mga silingan ang mga suspek sa paglugos ug pagpatay sa dalaga hinungdan nga ila kining gitabangan sa pagkulata ug pagpuspos gamit ang mga kahoy.
Hinungdan nga namatay ang giingong suspek nga si Esrael Sarip ug samdan sab si Tato Bualan alyas Ato nga gitunol na sa mga molupyo ngadto sa kapulisan sa Parang Municipal Police Station.
Samtang padayon nga nilusad og manhunt operation ang Parang MPS aron nga madakpan ang lain pang duha ka mga suspek nga sila Samsudin Sarip alyas Mansuh ug Sulayman Sarip alyas Mangcao nga giingong apil sa niluog nga paglugos ug pagpatay sa biktima.
Daghan ang nagtuo nga bangag sa gidiling druga ang mga suspek hinungdan nga nahimo nila ang paglugos ug pagpatay sa ilang paryente nga dalaga.
Kapulisan sa Parang MPS padayon nga nagsubay sa kaso aron nga madakpan ang lain pang mga suspek sa krimen. (Edgar E. Fuerzas)