MALIPAYON nga mibisita ang mga opisyal sa Bislig City didto sa Office of the Presidential Assistant for Eastern Mindanao sa Malacañan Palace aron mangayo og tabang alang sa ilang nagkalain-laing mga proyekto.
Ang mga opisyal sa Bislig nga gipangulohan ni Mayor Florencio Garay nakigtagbo kang Presidential Assistant for Eastern Mindanao Leo Tereso Magno kinsa midugtong sa mga opisyal sa Bislig ngadto sa Bureau of Fisheries and Aquatic Resources (BFAR) ug Department of Human Settlement and Urban Development (DHSUD).
Nangayo og tabang si Mayor Garay alang sa pagpalambo sa ilang marine fisheries ug economic zone sa dakbayan ingon man sa pagtukod sa 4Ph housing project.
Ang pag-establisar sa marine fisheries economic zone makapausbaw sa ekonomikanhong kahimtang sa siyudad ug maghatag ug kahigayonan sa pagtrabaho sa mga konstituwente niini.
Samtang, gituman usab sa siyudad ang mga rekisitos alang sa pagpatuman sa proyekto sa 4Ph.
Ang 4Ph maoy usa sa mga prayoridad nga proyekto ni Presidente Ferdinand Romualdez Marcos Jr.