Silya gisuwatan

Photo by Mark Perandos
Photo by Mark Perandos

GIMARKAHAN ni Davao City Mayor ug vice-presidential candidate Sara Duterte-Carpio ang silya nga iyang gigamit sa iyang pagbotar sa presinto Lunes, Mayo 9, nga ipreserba sa museyo.

Nibotar si Duterte-Carpio sa Daniel R. Aguinaldo National High School (DRANHS) mga bandang alas 9 sa buntag.

Human ang halos 10 minutos nga pagboto, ang silya sa mayor gidala ngadto sa "polling room", kon diin personal niyang gimarkahan o gilagdaan.

Sa pahayag nga gipagawas sa partido sa mayor, Hugpong ng Pagbabago (HNP), si Duterte-Carpio gihangyo sa tagdumala sa eskuwelahan nga mosuwat og mensahe sa silya nga iyang gigamit aron nga mapreserba alang sa museyo sa eskuwelahan.

Ang pahayag sa HNP nahitabo isip tubag sa "fake and edited photos" nga mikatag sa online.

Alkontra sa sayop nga posts, sulti sa vice presidential candidate, "I wrote down 'Mahalin natin ang Pilipinas.' Then I signed my name. Then date."

Isip tubag, magdonar ang mayor og lima ka silya alang sa tulunghaan.

Ang tagdumala sa eskuwelahan nagpreserba sab sa silya nga gigamit ni Presidente Rodrigo Duterte atol sa Mayo 2016 nga eleksiyon.

Ang silya, gitawag og "historical chair", kasamtangan nga gihikyad sa DRANHS, gisulod sa bildo, ug gidspli sa lobby sa eskuwelahan.

Gisulti ni DRANHS Admin Officer Margarita T. Castillo ngadto sa SunStar Davao nga ang silya giplanohan nga ipreserba ug idispli sa Museo Dabawenyo.

Matud niya nga ilang gipreserba ang silya nga gigamit sa Presidente, nga alang kanila "significant" kay migama siya og kasaysayan isip unang Presidente nga taga Mindanao nga napili.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph