GISUTA sa Special Investigation Task Group (SITG) Maculpa kon unsa nga matang sa eksplosibo ang gigamit sa pagpamomba sa parking area sa Ecoland, Davao City.
Si Police Colonel Alberto Lupaz, Davao City Police Office (DCPO) chief nagsulti nga atol sa ilang tigum sa SITG niadtong Martes, Hunyo 20, 2023, ang SITG uban ang Davao City Forensic Unit (CFU) ug City Explosive K-9 Unit naa sa proseso sa “reconstructing the explosive” aron nga mabalidar ang ensaktong gigamit sa pagpamomba sa sakyanan sa abogado nga si Alberto Maculpa niadtong Hunyo 15.
“Hopefully... we’ll be able to divulge or identify kung unsa ang explosive ang gigamit sa pagpabuto sa sakyanan ni Attorney Alberto Maculpa,” butyag ni Lupaz sa paghinabi kaniya sa radyo, Hunyo 20.
Giklaro ni Lupaz nga nag pagpamomba "work-related," sukwahi sa giingon nga terorismo.
“Masulti jud namo na work-related, kay una makita man sa CCTV footage nga sa kadaghang sakyanan didto kato ra jud na sakyanan ang gipili ug didto gibutang [sa mga suspects ang explosive],” pagklaro niya.
Sayo niini nga taho, gisulti ni Lupaz nga si Magulta naggunit og dagko nga "real estate" nga mga kaso sa Soccsksargen Region.
Gisulti sab niini nga ang abogado nagtug-an sa SITG atol sa inisyal nga imbestigasyon nga “he is certain” sa mga suspek nga nagpaluyo sa pagbomba sa iyang sakyanan.
Gitaho nga ang DCPO dunay tulo ka mga posibleng persons of interest nga nagpaluyo sa maong pagpamomba. (ICE)