GIKLARO ni Police Regional Office (PRO)-Soccsksargen Regional Director Police Brigadier General Jimili Macaraeg nga wala pa silay natumbok nga hotspots o areas of concern kalabot sa taliabot nga Barangay ug Sangguniang Kabataan Elections (BSKE).
Apan giangkon ni Macaraeg nga dunay mga lugar sa Soccsksargen nga gihugtan og paniid sa kapulisan tungod kay dunay hulga sa seguridad sa eleksiyon.
Sa pagkakaron, matud pa ni Macaraeg, nagpahigayon og ebalwasyon ang PRO-Soccsksargen sa miaging BSKE sa rehiyon.
Tuyo niini nga masayran ang gidaghanon sa mga pulis nga ipangkatag atol unya sa bugnong lugaynon.
Gidugang ni Macaraeg nga giplastar na nila ang mga pamaagi sa umaabot nga piniliay lakip na ang pakig-alayon uban sa puwersa sa militar.