DAVAO OCCIDENTAL -- Tungod sa padayong pagsaka sa kaso sa Covid-19, duha ka mga munisipalidad sa Davao Occidental ang nagpahigayon og "No Sunday Movement" sugod Agosto 15, 2021.
Ang duha ka munisipalidad mao ang Santa Maria ug Malita, diin gihimo kini aron mapakgang ang pagsutoy sa kaso sa duha ka munisipalidad.
Sa unang adlaw, mituman ang mga residente subay sa executive order sa duha ka mga minusipalidad.
Sa kamandoan, gidili ang paggawas sa mga residente gawas lamang sa mga frontliner ug dunay mga emergency nga katuyoan.
Walay nahimo ang mga negusyante kundi ang pagpanira sa ilang mga tindahan gawas na lamang sa pipila ka mga botika nga abli.
Subay sa datus sa Department of Health Davao Region, ang Davao Occidental dunay 1,384 ka mga kaso sa Covid-19 diin 491 niini ang aktibo. (Jeepy P. Compio)