Sunog sa Magsaysay nidanyos og dyutay

Hulagway iya sa Davao City Police Office
Hulagway iya sa Davao City Police Office

GIBUTYAG sa Bureau of Fire Protection-Davao Region (BFP-Davao Region), Biyernes sa buntag, Oktubre 6, 2023, nga ang sunog sa NCCC Main Magsaysay sa Huwebes sa gabii, Oktubre 5, nidanyos og P150,000.

Sa paghinabi pinaagi sa telepono uban ni Senior Fire Officer 4 Ramil Gillado, hepe sa BFP-Davao City Fire District Intelligence and Investigation Section, nag-ila sa tinubdan sa sunog. Apan iyang gitin-aw nga way namatay o naangol sa hitabo.

“Gikan sa breaker sa freezer department o kung asa ginabutang ang mga frozen goods nag-gikan ang sunog. Ang dakong dakong damage lang tong poste sa maong department,” butyag niya.

Dugang pa niini, “Security guard ang una naka-discover sa maong sunog. While ga-roving sila, didto nila nakita nga naay naga-aso aso and automatic dayon ta nga niresponde.”

Bandang 9:00 sa gabii sa dihang nakadawat og tawag ang BFP-Davao Region sa maong insidente; 10:00 sa gabii, ang sunog nakontrolar na ug sa pagka-alas 11:00 gabii gideklara na ang lugar nga "fire out".

“So far, sir, okay naman ang imbestigasyon and officially closed na pud ni siya kay dali man dayon nato nga respondehan,” panapos pa niya.

Subay niini, ang tagdumala sa NCCC nagpagawas og pahayag sa ilang Facebook account sa Biyernes sa buntag, Oktubre 6, 2023.

“There were no customers or employees in the premises except for technical personnel conducting clearing procedures. The fire was under control 20 minutes later but thick smoke was still observed coming from the area. Fire out was declared by Bureau of Fire Protection (BFP) soon thereafter. An investigation is being conducted to determine the cause of the fire and extent of damage.”

Dugang mabasa sa pahayag, “NCCC Management gives its heartfelt gratitude to the emergency responders, volunteers and associates who extended speedy assistance. Please keep posted on NCCC Main Magsaysay's store hours.”

Ning bulana, nakatala na ang BFP ug Team Davao Rescue og lima ka mga insidente sa sunog apil na ang NCCC. (DEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph